租客業主必知！英國家居財物保險夠平！保埋意外都得？
家居財物保險（Contents Insurance）喺火災、水災、風暴、漏水、盜竊等情況下保障你屋企財物嘅損失，同建築物保險（Building Insurance）係唔同嘅！留意返，家居財物保險並唔係法律要求，而係為咗保障自己財產，無論係租客或者業主都建議購買，因為其實只要好平就可以保障災難性嘅損失。今日介紹一個信譽好、收費低，來自德國嘅新晉家居財物保險公司Getsafe。
讀到最尾仲有£15保費折扣，相等於最多5個月免保費！
2024年更新：似乎佢地唔想再做英國生意，建議各位讀者自行去格價網搵搵家居保險，唔好用GetSafe喇！小編如果有最新消息再更新篇文！
Getsafe
申請程序簡單
Getsafe報價申請程序明顯比傳統家居保險公司簡單好多！其他保險公司多數會問你屋頂斜度、屋頂建築材料、門鎖類別等等，一般人真係答唔出。呢間公司就唔會有啲咁嘅問題考你！
收費清晰透明，墊底費可調較
Getsafe作為一間新晉保險科技（InsurTech）公司，好重視用戶體驗，所以申請唔會咁麻煩，同埋收費都好清晰。墊底費（Excess）都好有彈性：高墊底費就平啲保費，低墊底費就貴啲保費。用戶可以根據自己喜好同風險調較墊底費，所以墊底費會比其他保險公司低。
保險內容
受保人（Insured members）
保障唔止包一個人，而係包埋伴侶、兄弟姊妹、父母、祖父母、子女。買好保險之後入app加返佢地嘅名就得，係免費嘅！
受保風險（Insured risks）
- Fire：火燭
- Water damage：漏水
- Oil leakage：漏油
- Theft, burglary, and robbery：盜竊
- Riots and civil unrest：暴動
- Storms and flooding：風暴、洪水
受保財物（Insured items）
簡單講句，其實大概所有反轉間屋會跌落嚟嘅野都係包嘅！例如：
- Furniture：傢俬
- Money：錢
- Cameras and audio and visual equipment：相機、影音器材
- 等等
舉多幾個有趣啲嘅項目：
- Personal data：個人資料。如果水浸搞到電腦壞咗，救返啲harddisk入面data嘅費用都係保嘅。
- Someone else’s belongings：客人嚟屋企嘅財物損失都保。
額外附加保障項目
除咗基本家居財物保障，仲可以加錢購買附加保障，例如：
- 意外損失（Accidental Damage）：因為基本保障主要包火災、水災、風暴、漏水、盜竊等情況。如果自己唔小心打爛咗部手機電視電腦等等，就要買呢個意外損失保障先包埋，墊底費都係跟主保單！！好多坊間意外損失保障墊底費都超高。呢度喺跌爛一次電話就已經抵返幾年保費！搬屋公司造成嘅損失都包！注意，意外損失保障生效頭30日嘅損失唔包。大頭蝦必備！附加費每月£0.68起。
- 貴重物品（Personal Possessions）：如果你有啲特別貴重嘅物品，例如手機、單車、名錶、手袋，貴重物品保障就可以保埋呢啲物品離開咗住址嘅損失，包括60日內嘅旅行。例如畀人打荷包、偷手機、偷單車，甚至偷車，呢啲喺英國同埋歐洲都幾常發生。附加費每月£1.10起。
- 法律支援（Legal Protection）：需要打官司告其他人嘅情況可以用到。附加費每月£1.32起。
- 家居緊急情況（Home Emergency）：出現停電、壞暖氣、漏水、漏煤氣、唔見鎖匙等情況，保障叫師傅上屋企維修嘅費用，甚至如果因為屋企住唔到人所產生嘅住宿費用。附加費每月£1.93起。
- 租客保障（Tenant’s Liability）：保障保單持有人作為租客整爛咗業主嘅財物，例如門窗、爐頭等等嘅損失。附加費每月£0.64起。
隨時免費取消退款
買保險最怕搵笨！Getsafe就夠老實！佢嘅家居財物保險都係免費取消退款。頭14日可以全額退款。14日後可以退已付但未用到嘅日子嘅費用。
以上所有文字都係小編嘅理解，所有保險詳情都係以保險文件作準。
（經UKJetso申請，即享£15保費折扣）