英國網購必用TopCashback，即賺現金回贈！

各位朋友應該都有聽人講過英國網上買嘢好多都有回贈，只要用回贈網例如TopCashback或者Quidco就可以慳返唔少錢。今日就同大家仔細介紹TopCashback！好多時幾個%回贈率，甚至10幾20%都唔出奇！20%就係相等於買嘢打個8折。

使用方法

用TopCashback第一件事當然係先開返個戶口，因為冇戶口係用唔到嘅。

有戶口之後，想上咩網買野之前，先去TopCashback查吓有冇回贈。

舉個例，如果想去Hotels.com預訂酒店，就輸入Hotels.com，入到去就可以見到就可以睇到回贈到幾多錢。

睇圖片入面呢個例子，今日有Exclusive Offer特別優惠，經TopCashback去Hotels.com買乜都有12%，慳返唔少！

按”Get Cashback Now”紅色大掣，佢就會帶你去返Hotels.com官網好似正常咁買嘢，買完之後多數等幾日就會喺TopCashback戶口入面見到回贈喇！

提取款項

到你賺到咁上下嘅回贈，就可以去提款（Payout）。最方便係直接過數去英國銀行戶口，最低提款額係1p（£0.01），所以絕對唔會話鎖住你啲錢提唔走。除此之外，可以換做各種禮品卡（Gift card）或者英航飛行里數Avios都得。