英國免稅儲蓄戶口Cash ISA及投資戶口S&S ISA，限時送最高£100股票
英國喺銀行開儲蓄戶口收利息係好方便，但要小心誤墮稅網。買股票投資，亦都要留意資產增值稅。ISA (Individual Savings Account) 就係英國政府畀人免稅賺利息同投資嘅方法。下面再同大家介紹 Trading 212 呢期最高息嘅Cash ISA，迎新仲送最高£100股票！
2024年9月24日至11月5日又有迎新！2024年7月18日更新：2024年7月迎新優惠已於2024年7月17日完結，有興趣嘅朋友可以等下次優惠！佢地一年都搞幾次優惠嘅！
儲蓄戶口利息要交稅？
你冇睇錯！儲蓄戶口嘅利息係要計稅嘅！但係如果唔超過免稅額，就唔需要交稅。免稅額會因應入息（Income）而調整，由最多嘅£1000一年免稅額去到完全冇免稅額都會。過咗免稅額後，稅率等同於入息稅（Income Tax）。如果你係僱員或者拎緊退休金，稅局HMRC識自己改你Tax code嚟幫你交稅，否則就要Self Assessment自行報稅。
詳情參考返英國稅局網站Personal Savings Allowance部份。
例如，Chase Bank有提供高息嘅活期儲蓄戶口，但係要畀稅！
買股票又要交稅？
係！如果買股票，賺咗錢就要計資產增值稅（Capital Gains Tax）。又係有免稅額，每年£3000。過咗免稅額後，就要按資產增值稅交稅。呢個要Self Assessment自行報稅，會麻煩少少！
ISA點樣免稅？
ISA最常用有2種：
- Cash ISA，相等於銀行儲蓄戶口，但免稅。有定期亦都有活期。可以隨時提款。
- Stocks & Shares ISA (又稱S&S ISA)，相等於股票投資戶口，但免稅。可以隨時提款。
開ISA同開普通銀行戶口或者投資戶口差唔多，不過少啲銀行或平台會提供，產品選擇都可能少啲，所以要睇睇自己有冇免稅嘅需要。
ISA限制
- ISA同普通銀行儲蓄戶口一樣，只限英國稅務居民使用！
- ISA每年限£20000新資金投入，無限ISA戶口數目。上年冇用到嗰£20000限額，今年都唔可以用返，所以用到就係賺到。
- ISA有分係唔係Flexible，意思係如果提款，會唔會退返個ISA年度限額。Flexible一定好過唔Flexible，但唔係間間都Flexible。
Trading 212
Trading 212 一直都有Stocks & Shares ISA，就算股票戶口入面嘅現金餘額都有高息！只不過現金餘額係冇FSCS存款保障嘅。股票交易免手續費（zero commission）。
如果想再穩陣啲，佢2024年5月新推出Cash ISA，有FSCS存款保障，一樣咁高息！以2024年6月為例，有5.2%活期，領先全部要交稅同唔洗交稅嘅儲蓄戶口。
Trading 212 Cash ISA同S&S ISA都係Flexible嘅！
限時優惠：開戶口拎最高£100股票
即日起至2024年11月5日，經UKJetso申請Trading 212戶口，完成指定任務，會隨機得到價值£8-£100股票。股票價值機率分佈參考下圖。
Trading 212 申請步驟
- 經UKJetso申請連結開Trading 212 Invest戶口（記得唔係ISA戶口！！）
- 完成身份認證
- 入£1到新開Invest戶口
- 咁就完成迎新任務，可以拎到免費股票！小編實測1個鐘就收到notification，下一日開市就有喇！
- 之後根據自己需要再開Cash ISA或S&S ISA
（即日起至2024年11月5日，經UKJetso申請Trading 212戶口，完成指定任務，免費獲取最高價值£100股票！）