【2024英國車保】香港車牌買車保邊間好？呢間專為移民而設，連獨家優惠！
英國又凍，又成日落雨，係有架車方便啲嘅！持有香港車牌嘅朋友可以喺英國直接揸一年車，之後先換英國車牌。但係英國肯接受香港車牌（駕駛執照）嘅車保公司唔多，而且會收得貴啲。咁英國車保邊間好？今日同大家介紹一間對香港考返嚟嘅車牌友好，又認香港No Claims Bonus (NCB)嘅一間汽車保險公司！記得睇到最尾仲有獨家合作優惠！
為咗回饋各位UKJetso讀者嘅支持，UKJetso向Marshmallow爭取到獨家優惠畀大家！由於反應熱烈，優惠再加碼，由減£25變減£50！
車保點買先平？
揀車嘅時候
- 搵到心水嘅車先，記低架車嘅車牌，之後要用到。如果買二手車，可以去Autotrader睇車。
- 唔同牌子唔同型號嘅車，車保價格可以相差好遠。越貴，馬力越大嘅車通常都會貴啲。價值高，又易畀人偷嘅車又會貴啲。
- 要提前拎報價（quote），最好比保單生效日提前最少20日，如果可以提前到一個月有機會更平！
揀車保嘅時候
- 用格價網格價。例如Comparethemarket ，只需要輸入你想買嗰架車嘅車牌，再答埋一堆問題，就會幫你去各大汽車保險公司格價！但係唔好買住！睇到文章最尾，教你點買先最平！
- 英國第三者責任保險（Third Party，三保）嘅選擇冇全保（Comprehensive）咁多，亦都未必真係平好多，而且隨時貴過全保。所以格價嘅時候，記得主力睇全保。
- 記得揀間有信譽嘅保險公司！有唔少格價網入面最平嘅車保可能有好多唔太老實嘅手續費，改地址或者轉車每次收幾十鎊，仲難cut過有線，搵客服又搵唔到，想claim錢又claim唔到，咁就得不償失喇！最好上trustpilot同埋google查下間公司先。
- LV、Direct Line、Churchill、Aviva都係老牌車保大公司
- 可以嘗試調較墊底費（excess），可能會影響保費。墊底費越高，保費越低，但超過某個額後就唔會再減。
- 搵間認香港駕駛經驗、香港車保紀錄同NCD，總之對香港人友好嘅汽車保險公司。
- 一畀畀一年嘅保費，因為每月計可能要畀利息會貴啲！
買車先定車保先？
好問題！其實當你網上睇中架車嘅時候，已經可以拎定報價，等佢send去個email度。咁到真人落場試車嘅時候，一試啱就可以畀錢買車嘅同時，拎部手機開返之前個報價email直接埋單同埋影一影身份證明文件，收到通知車保生效就可以揸走架車喇。
咁做嘅好處就係會比即時拎報價即日生效嘅車保平好多，而且又快又方便。
所以香港車牌買邊間車保好？
入正題！UKJetso就話 Marshmallow 係平靚正！佢係主打新移民嚟英國嘅駕駛人士嘅生意！
戴返個頭盔先：每個人嘅情況都唔同，唔一定個個都一定係呢間最平，但係幾個揸香港車牌嘅朋友試過都一定係呢間數一數二平！
Marshmallow標榜：根據2023年7月嘅數據，對於新移民嚟英國嘅客戶，佢地車保要比其他車保平*45%。
佢只有全保，固定墊底費，收費透明，冇巧立名目唔合理嘅手續費，信譽良好，網站同app介面清新易用。而且佢喺Trustpilot上面評分高達4.5，一定好過好多其他主打低價嘅汽車保險公司！
最早可以提前60日拎報價。拎到報價之後，佢會寄報價單去你嘅email address，有效期60日。
雖然格價網都可能會睇到佢，但係經格價網買未必最平！因為喺官網可以填多好多香港駕駛經驗嘅資料。佢對外國駕駛執照嘅持有人好友善，同埋係可以用到香港NCB（No Claims Bonus）嘅！如果同時擁有香港同英國牌嘅朋友就仲正，因為佢畀你輸入曬兩個牌，會比喺格價網只可以輸入一個牌嘅報價更平！
保險生效日起計，頭14日冷靜期申請退款只收£30手續費，可以放心投保！
注意，如果瀏覽器有裝擋廣告嘅extension（例如uBlock Origin）的話，記得熄咗先好去拎報價，否則有機會收唔到報價email！
Marshmallow旗下車保產品
視乎你填寫嘅資料，可能有幾款車保可以揀，例如：
- 最大路又保障得好嘅元祖Marshmallow Original
- 升級版Marshmallow Plus
- 主打低價市場嘅Marshmallow Lightest
- 中低價Marshmallow Essential
最主要係保障範圍唔同，更改同取消嘅手續費唔同（Original同Plus更改保險內容冇手續費），百貨應百客，但係佢唔一定隻隻都提供畀你，要到你填完form先知道。至於有咩分別，佢畀你揀嘅時候會寫得好清楚。
小編就最推薦Marshmallow Original，自己都係用緊呢個！因為更改保險內容免手續費，仲包擋風玻璃，私人財物，最緊要係價錢合理。如果要揸車保登記以外嘅車(Other vehicles)就要買Marshmallow Plus。
獨家合作優惠碼
只要經下面連結，輸入獨家優惠碼UKJET50，即減£50！小編都係希望幫各位剛到埗英國嘅朋友搵到又抵又適合嘅車保！
獨家優惠碼條款 Discount code Terms and Conditions
*In July 2023, our average quote for UK newcomers was more than 45% cheaper than the equivalent quote with zero years of driving and claim-free experience. At Marshmallow, we accept driving and claim-free history from all countries.
T&Cs – Receive a discount of £50 on the complete cost of your car insurance policy. This offer is applicable to Original and Plus car insurance plans exclusively. It cannot be used in conjunction with any other offers or promotion codes. Subject to availability, limited time only. Marshmallow Financial Services Limited reserves the right to pause this offer at any given time. To redeem your discount, please enter the provided discount code during the checkout process. Please note that the discount code is exclusively applicable on the website www.marshmallow.com and cannot be used on any other platforms.
買車之前必睇嘅買車注意事項！
買電動車？記得轉用一個為電動車設計嘅電力公司計劃！如果唔係，都可以轉去電費平啲嘅電力公司！