英國虛擬銀行Monzo | 服務質素排名第一，申請唔需要住址證明！

移民英國其中一件第一樣嘅事當然係開英國銀行戶口喇！但係好多銀行開戶需要住址證明（address proof），搞到變成雞先定蛋先嘅問題。今次介紹一間大家可能聽過嘅虛擬銀行Monzo，除咗容易申請，唔需要住址證明，服務仲要好用過傳統銀行！

服務排名

根據Ipsos 2022年統計，整體服務質素排名多年嚟都係Monzo穩居第1位，傳統銀行例如Barclays排第6，HSBC UK排第12位，可見Monzo用戶有幾滿意Monzo服務！相比傳統銀行，Monzo更著重用戶體驗同埋創新！

存款、提款、付款

作為虛擬銀行，先天缺點就係冇分行服務，但Monzo依然有提供存款同提款。全英國有28,000個PayPoint地點可以存款，每次需要£1服務費。提款就更方便，所有支持Mastercard嘅自動提款機（ATM）都可以免費提款。每月有免費提款上限，但係正常使用應該唔會用超過嗰個額。溫馨提示，雖然Monzo提供免費提款，都要注意ATM本身係唔係免費使用。

申請成功後，Monzo會送一張Mastercard debit card，粉紅色，非常醒目同搶眼。特別地方係可以自訂卡上面顯示嘅名！用debit card付款可以即刻由手機app睇到，介面簡單易用，支出分類一目了然！如果想賺回贈同埋飛行里數，記得睇埋信用卡攻略！

Monzo有幾好用？舉個例，如果要畀錢朋友，只需要send一條Monzo app整出嚟嘅link畀佢，等個朋友打開條link自己輸入銀行戶口資料，咁就唔需要抄低朋友嘅銀行資料，例如全名、sort code、戶口號碼，非常方便！尤其適合同冇咁熟嘅朋友食飯分帳。

政府存款保障

唔好以為Monzo冇分行就代表冇保障，因為佢同其他大銀行一樣都係英國正規銀行，受英國法律規管。Monzo有參與英國FSCS存款保障，如果銀行不幸倒閉，英國政府會賠償每人最多£85,000。

客戶服務

客戶服務方面，雖然冇分行，但其實搵人幫手仲輕鬆過落分行排隊！正常客服online live chat工作時間係英國時間每日7am至8pm，多數都覆得好快，而且好幫得手。但如果有緊急事故要搵人，都有24小時緊急熱線！

如果你要申請戶口結單（bank statement），只要入app下載就可以，而且Monzo嘅bank statement都係可以作為正規住址證明（address proof）。如果需要實體結單（paper statement），只要同客服講，佢地就會寄一張有銀行印章嘅結單去你屋企！

其他銀行

Monzo好處係方便同埋好用，但係要比優惠就唔夠Chase UK嘅1%回贈厲害喇！不過唔一定要二揀一嘅，可以兩個都申請！

儲蓄戶口賺利息

Monzo App入面可以開Savings Pot儲蓄戶口，可以係Monzo自己或者第三方銀行提供嘅儲蓄戶口，click 2個掣就開到，轉出轉入都好方便。

如果想賺利息又唔想交稅，就要學下點用ISA免稅儲蓄戶口！

（經UKJetso申請Monzo，申請起計30日內，成功開戶及用卡進行一次交易，可獲£5迎新獎勵）