2024英國最好能源電力公司，電費平40%，迎新仲送£50！
住英國都知呢兩年電費好貴！今日同大家介紹能源公司Octopus Energy。Octopus Energy好唔好？梗係好啦！佢已經拎咗好多年Which.co.uk嘅能源公司推薦！以2023年嘅報告為例，佢評分穩坐第一位，拋離其他對手，成為2023年Which唯一推薦嘅能源公司。Trustpilot方面，Octopus Energy評分高達4.7分，相比起傳統六大能源公司British Gas、EDF Energy、E.ON、OVO Energy、Scottish Power、SSE都要高分一截！而且因為越嚟越多人用Octopus Energy，加上2023年收購完Shell嘅家居能源生意，Octopus Energy已經成為全英國最大能源公司！
2024年2月更新：Octopus Tracker推出最新版本Octopus Tracker December 2023 v1，無論新舊Tracker客都係用呢個Tariff，收費公式鎖定一年不變！以2024年1月為例，2-3人家庭平28%！經UKJetso申請轉用Octopus Energy依然有£50 credit迎新！
所謂能源公司（energy company），其實就係供電（electric）同埋供煤氣（gas）嘅公司。有啲屋企只有電冇煤氣，亦有屋企係電同煤氣都有（dual fuel）。呢幾年嘅新Apartment多數都冇煤氣。想知自己有冇煤氣，問清楚業主，或者睇睇除咗電錶仲有冇煤氣錶！
創新Smart Tariff智能收費模式
Smart tariff係通過Smart meter智能電錶定時報錶，令用戶可以享用當時嘅價格，多數都係比較平嘅，尤其係禮拜六日同埋半夜朝早。多數嘅新樓都有Smart meter，如果冇，Octopus Energy會免費幫你裝一個， 連報電錶都慳返。如果用戶可以將耗電嘅工作，例如乾衣、幫電動車充電，搬去平啲嘅日子或者時間做，就可以慳好多電費喇。
| 計劃 | 價格更新頻率 | 特點 |
|---|---|---|
| Flexible Octopus （預設，Standard Variable） | 每幾個月 | 一轉入Octopus Energy就係用呢個。 |
| Octopus Tracker （Smart tariff） | 每日 | 根據批發價計算出當日電價，2023夏天多數都平過其他plan 30%。 |
| Agile Octopus （Smart tariff） | 每半小時 | 有時用電唔洗畀錢，仲可以收錢！但係繁忙時間就會貴啲。適合可以調動用電時間嘅用戶。只限電力。 |
| Loyal Octopus 12M Fixed （Fixed Tariff） | 簽一年約，整年不變 | 唔怕能源價錢波動，鎖實價錢一年。離開計劃要罰，每樣能源£75。 |
邊個計劃最好最平？
Octopus Energy係好努力提供平價嘅電力畀用戶嘅。因為能源危機，今時今日大部份人都係用緊Standard Variable Tariff（SVT）標準收費。Octopus Energy嘅SVT叫做Flexible Octopus，收費比較大部份其他能源公司收緊嘅上限收費Ofgem Price Cap平少少。
另外，隨住電價回落，Octopus Energy重新推出Fixed Tariff，簽一年約就呢一年每度電嘅價錢唔會變，適合唔想再因為電源危機失預算嘅朋友。
Octopus Tracker Smart tariff就係暫時最抵嘅，以2023年為例，去到冬天仲係平一截。反正轉計劃又唔洗錢，到佢唔抵嗰陣再轉用其他都唔遲！
至於揀用邊個Tariff，唔需要宜家決定嘅，都係轉咗用Octopus Energy再慢慢考慮！
例子：2-3人家庭轉用Octopus Energy慳到幾多電費？
根據British Gas嘅統計，2-3人家庭，3房嘅屋，一年使用2,900kWh用電量。下面計算以倫敦用Direct debit交費作標準。
| 計劃 | 每度電電價 Unit rate (p /kWh) | 每日服務費 Standing charge (p/day) | 每月電費 £ |
|---|---|---|---|
| 各大電力公司Standard Variable （預設， 絕大部份人用緊） | 30.72p | 43.65p | (30.72p*2900 + 43.65p*365)/12= £87.5 |
| Octopus Tracker | 16.1p （2023年7月平均） | 37.3p | (16.1p*2900 + 37.3p*365)/12= £50.2 |
Octopus Tracker相比絕大部份人用緊嘅Standard Variable，2023年7月電費由 £87.5 變 £50.2，慳到成£37，足足42%！屋企有煤氣嘅朋友，煤氣費又一樣慳一筆。小數怕長計，一年落嚟都差唔少錢！
根據EnergyMoneySaving.uk計算機，2023年8月電費用Octopus Tracker相比Standard Variable平£35.51，相等於40%。煤氣費就平£31.10，相等於37%。
100%可再生能源
Octopus Energy寫得好清楚佢哋電力嘅構成，絕對係100%可再生能源。好多其他電力公司可能最平嘅Plan都係會溝啲煤炭發電，要環保就要加錢。
全新會員計劃Octoplus
2023年10月新推出會員計劃，慳電可以換credit，仲送免費咖啡！詳情睇Octoplus會員計劃介紹。
能源公司轉會黃金時機，手續簡單
轉能源公司，英文叫做Energy Switch。2022年電價太貴，電力公司收新客冇錢賺，就停收新客。到2023年下半年電價回落先開放返畀人轉電力公司。報導指2023年6月比2022年同期多咗77%人轉會！所以宜家可謂最適合轉電力公司嘅時機！
要轉用Octopus Energy好簡單，只需要喺佢網頁上面填好地址等資料，佢自己會聯絡你本身嘅能源公司安排交接，唔洗人上門搞，又唔洗通知本身電力公司，因為佢地後台自己搞掂。佢會同你講清楚個轉台日，到嗰日啲電就係來自新公司！完全無縫交接，唔會話斷電嗰啲嘅！
經過UKJetso申請轉用Octopus Energy即賺£50 credit，可以抵消能源費用！
小編實測
小編就係由British Gas轉用Octopus嘅！實測5分鐘填好份轉台form。佢會同你講最快可以幾時轉入，多數幾日後就轉到台！到轉台日係冇感覺嘅，收到email話已經搞掂咗先記起轉咗電力公司！就係咁簡單！
小編又試過send email畀佢地客服，最快4分鐘就收到回覆，快得離奇！
確認好Octopus Energy連到去我隻Smart meter之後，就可以用呢份收得好埋嘅申請表申請轉用Octopus Tracker計劃。等1-2個禮拜就轉到用Tracker，慳到嘅電費真係同上面嘅計算一樣！
如果用緊其他電力公司嘅朋友，記得係先用下面條link申請轉電力公司做Octopus Energy，轉好之後先再申請轉用Octopus Tracker tariff。